Narekober na shabu sa karagatan sa Pangasinan, nadagdagan pa
Nadagdagan pa ang bilang ng hinihinalang shabu na na-recover sa baybayin ng Pangasinan matapos ang unang operasyon na umabot sa halagang ₱1.17 bilyon.
Ayon sa Coast Guard District North Western Luzon, umabot na sa kabuuang 28 packs ng pinaghihinalang shabu ang kanilang narekober.
Pinuri ng mga awtoridad ang patuloy na pagiging alerto at kooperasyon ng local fishing community, na siyang naging susi upang mabilis na maagapan ang banta ng pagpasok ng mga iligal na droga sa mga baybayin ng Pangasinan.
Patuloy namn ang masusing imbestigasyon upang matukoy ang pinagmulan ng mga kontrabando at mapigilan ang pagkalat nito sa bansa.
