Politics

Marcos Jr. nagtungo sa Tsina sa gitna ng agawan ng teritoryo sa South China Sea

Kini-claim ng Tsina virtually ang buong South China Sea at hindi pinansin ang 2016 ruling ng tribunal sa The Hague na pinabulaanan ang claims ng Beijing sa naturang teritoryo sa karagatan

Ibong Tiririt

Published on

January 3, 2023

Lumipad ang pangulo ng Pilipinas na si Ferdinand Marcos Jr. sa Tsina ngayong Martes para sa tatlong araw na state visit, sinabing inaabangan niya ang pagpupulong kay Chinese leader Xi Jinping habang sinisikap nilang palakasin ang bilateral ties.

Inaabangan ko ang pagtatagpo namin ni President Xi habang tinatrabaho namin ang pag-shift ng trajectory ng aming relasyon sa mas mataas na gear na inaasahan kong magdadala ng maraming prospects at masaganang mga oportunidad para sa kapayapaan at development para sa mga mamamayan ng aming mga bansa, dagdag pa niya.

Ang mga isyu sa pagitan ng aming dalawang bansa ay mga problema na hindi kabilang sa pagitan ng dalawang magkaibigan tulad ng Pilipinas at Tsina, dagdag pa niya. Tayo ay hahanap ng solusyon sa mga isyung iyon kung saan parehong makikinabang ang aming dalawang bansa.

Kini-claim ng Tsina virtually ang buong South China Sea at hindi pinansin ang 2016 ruling ng tribunal sa The Hague na pinabulaanan ang claims ng Beijing sa naturang teritoryo sa karagatan. Ang kaso ay isinampa ng Pilipinas, na sinabi na dinebelop ng Tsina ang pinag-aagawan na reefs sa artificial islands na may airplane runways at iba pang istruktura kaya ito ngayon ay kahawig ng mga base militar.

Kasama ang isang malaking business delegation, sinabi ni Marcos Jr. na hihingi sila ng kooperasyon sa iba’t ibang area kabilang ang agrikultura, enerhiya, imprastraktura, kalakalan at pamumuhunan, at people-to-people exchanges. Inaasahan daw nila ang mahigit 10 key bilateral agreements sa pagbisita na ito.

Ang Tsina ang nag-a-account para sa 20% ng foreign trade ng Pilipinas at isa ring pangunahing source ng foreign direct investment.

Isang artikulo ng The Associated Press na isinalin sa Tagalog ni Catherine Dona.

Related Topics:Bong Bong Marcos, China, South China Sea, Xi Jinping