NAPANATILI ni Filipino gymnast Carlos Yulo ang gold medal sa floor exercise event ng 2025 Artistic Gymnastics Asian Championships kahapon sa Jecheon, South Korea.
Nakopo ng two-time Olympic gold medalist ang gold matapos makakuha ng kabuuang 14.600 puntos mula sa 5.700 sa difficulty, 8,800 sa execution, at 0.100 bonus dahil sa malinis na performance.
Nauna nang nagwagi ng bronze medal si Yulo sa individual all-around event noong Huwebes ng gabi.
May pagkakataon pa si Yulo na dagdagan ang kanyang gold sa torneo dahil pasok din siya sa finals ng vault, parallel bars, horizontal bar, at rings apparatus.
Pasok din ang nakababatang kapatid ni Caloy na si Karl Jahrel Eldrew Yulo sa finals ng apat na apparatus.
Idedepensa ng 16-anyos na si Karl ang kanyang gold sa junior division ng vault matapos na magtala ng 13.250 points sa preliminary round.
Lalaban din si Karl para sa gold sa floor exercise, horizontal bar at pommel horse events
