OFW-Hongkong-20150913-005 - Bulong-Bulungan

News

OFWs, kasamang makikinabang sa wage hikes ng Taiwan at Hong Kong

“We thank Taiwan’s Ministry of Labor and the Hong Kong Special Administrative Region Labor Department respectively for enacting wage legislation that recognizes the work of our OFWs and their contribution to the economic development of their host countries,”

Ibong Tiririt

Published on December 27, 2023

Bulong-bulungan na malaking bagay ang pag-taas ng minimum wage sa Taiwan at Hong Kong para sa marami nating kababayang pilipino na nakikipag sapalaran sa nasabing bansa.

Inihayag ng Department of Migrant Workers (DMW) nitong Miyerkules na kasama ang mga overseas Filipino worker (OFWs), sa mga makikinabang sa minimum wage increases na ipatutupad ng Taiwan at Hong Kong.

Sa pahayag, sinabi ng DMW na iniutos ng Taiwan Ministry of Labor (MOL) ang 4.05% increase sa monthly minimum salary na mula NT$26,400 (P46,378.70) ay magiging NT$27,470 (P48,223.43), na epektibo sa Enero 1, 2024.

Samantala, sinabi ng DMW na ang mga OFW na nagtatrabaho bilang foreign domestic helpers (FDH) o household service workers (HSWs) sa Hong Kong ay makikinabang naman sa wage hike na ipinatupad ng Labor Department ng Hong Kong.

Mula sa dating HK$4,730 o P36,917.65 na minimum allowable wage (MAW), tataas ito ng HK$140, at magiging HK$4,870 o katumbas ng P38,010.35.

Dinagdagan din ng HK Labor Department ang allowable food allowance ng FDHs sa HK$1,236 o P9,649.98 mula sa dating rate na HK$1,196 o P9,334.78.