Boso-Boso road rage nauwi sa barilan, sariling misis tinamaan

Viral ngayon sa social media ang away sa kalsada sa Boso-Boso road rage sa Antipolo City, Rizal nauwi sa barilan, sariling misis tinamaan.

Sa kanyang Facebook page, ibinahagi ni Antipolo City Mayor Jun Ynares ang naturang video ng road rage.

Ayon sa kanya, nahuli na ang namaril nitong Marso 30 pero dahil sa dami ng pinaputok niyang bala ay tinamaan pati ang kanyang asawa.

May isang nasawi sa insidente, ayon pa kay Bautista-Ynares.

Paalala ng alkalde, “Lamig ng ulo sa daan ang kailangan. Nahuli ang suspect na nambaril ng kanyang naka alitan sa daan. Sa dami ng beses niya pinaputok ang kanyang baril, pati misis niya ay kanyang tinamaan.”

Dagdag pa niya, “Dinala sa hospital ang mga sugatan kasama ang kanyang may bahay. Isa ang nasawi sa nasabing insidente ngayong hapon. Drive safely Antipolo. Hindi mahalaga kung sino ang tama at sino ang mali. Keep your cool all the time. It’s not worth it. Ipaubaya po sa Diyos ang lahat.”